STF logo
Heimör til hægriKaup og kjörör til hægri

Hefja töku lífeyris

Hefja töku lífeyris

Að ýmsu þarf að huga þegar taka á lífeyri. Starfslok eru stór tímamót og það borgar sig að undirbúa þau vel. Með því að huga tímanlega að lífeyrismálum, skoða réttindi og meta valkosti, verður auðveldara að skipuleggja næstu skref og taka ákvarðanir með meiri vissu.

Að sækja um ellilífeyri

Hvenær hægt er að hefja töku ellilífeyris er breytilegt eftir lífeyrissjóðum, en almenna reglan er að það sé á aldrinum 62 til 70 ára. Ef töku lífeyris er flýtt þá lækkar fjárhæð mánaðarlegs ellilífeyris og eins ef töku er frestað þá hækkar fjárhæðin.

Lífeyrisgáttin

Í Lífeyrisgáttinni, upplýsingavef um lífeyrismál, má finna greinargóðar upplýsingar um allt sem snýr að lífeyristöku. Þar er einnig hægt að panta lífeyrisfræðslu fyrir einstaklinga og hópa.

Ellilífeyrir frá TR

Þau sem eru 65 ára og eldri og hafa búið á Íslandi í minnst þrjú ár eiga einhvern rétt á ellilífeyri frá íslenska ríkinu. Jafnframt geta eldri borgarar átt rétt á ýmsum styrkjum og uppbótum.

TR gerir kröfu um að sótt hafi verið um hjá lífeyrissjóðum áður en greiðslur frá TR hefjast. Þegar þú sækir um hjá lífeyrissjóði getur þú valið að sjóðurinn sendi TR staðfestingu á umsókninni.

Í reiknivél TR er hægt að slá inn mismunandi forsendur og sjá niðurstöður.

Algengar spurningar og svör