Stjórnendanám STF
Stjórnun krefst stjórnunarhæfni
Millistjórnendur og stjórnendur sem hafa mannaforráð í umboði atvinnurekenda þurfa að búa yfir góðri sjálfsþekkingu til að geta lagt mat á eigin getu til að sinna starfi sínu. Þeir þurfa að þekkja undirmenn sína, hæfileika þeirra og annmarka, auk þess að skilja kröfur fyrirtækisins til gæða og framleiðni, innra skipulag þess og starfsumhverfi, svo sem viðskiptavini, opinberar stofnanir og vinnumarkað. Stjórnendafræðslan er samstarfsvettvangur Sambands stjórnendafélaga (STF) Samtaka atvinnulífsins (SA) og Símenntun Háskólans á Akureyri (HA) um menntun millistjórnenda og stjórnenda. Félagsmönnum í stjórnendafélögum innan STF býðst 80% endurgreiðsla á námsgjöldum í gegnum Menntasjóð STF og SA.
Þekking, leikni og hæfni
Tilgangur stjórnendanáms er að miðla þekkingu og þjálfa leikni karla og kvenna í millistjórnendastöðum og efla þá til að auka hæfni sína í hvers konar stjórnun. Stjórnendarfræðslan er samstarfsvettvangur Samband stjórnendafélaga, Samtaka atvinnulífsins og Háskólans á Akureyri/símenntun á þessu sviði. Námsframboð Stjórnendarfræðslunnar tekur tillit til þeirra fjölmörgu þátta sem verk- og stjórnendur verða að hafa við í daglegum störfum sínum. Námið er fimm lotur og hverri lotu skiptist í áfanga. Bæði er hægt að skrá sig í stakar lotur og námið í heild sinni.
Verkefni eru unnin út frá þínum vinnustað og þínum raunveruleika, til þess að hámarka hagnýtingu viðfangsefna hverrar viku.
Lota 1
Ég - stjórnandinn/millistjórnandinn
- Hvernig þú getur bætt þig sem stjórnandii
- Nýting gervigreindarinnar
- Framkoma og starfsmannasamtöl
Lota 2
Stjórnun mannauðs
- Mannauðstjórnun
- Heilsufar og atferli starfsmanna
- Að takast á við erfið mál á vinnustaðnum
Lota 3
Fyrirtækið - Skipulag
- Innra skipulag
- Formlegt skipulag
- Rekstrarstjórnunarkerfi
- Ábyrgð og öryggismál
Lota 4
Fyrirtækið - Rekstur
- Markmið, áætlanir og eftirfylgni
- Rekstraráætlun
- Greining og nýting tölulegra rekstrarupplýsinga
Lota 5
Fyrirtækið í nútíð og framtíð
- Markaðir
- Viðskiptavinir
- Samkeppni
- Hagsmunaaðilar
- Þróun vinnumarkaðarins
Lota 1
Ég - Stjórnandinn
12 áfangar - 13 vikur
Fjallar um einstaklinginn í þeirri stöðu sem hann gegnir; „hvers vegna er ég hér", „hversu hæfan tel ég mig vera og hvað þarf ég til að auka hæfni mína?" og „Hver er afstaða mín til fyrirtækis, yfirmanna, samstarfsmanna og undirmanna?"
Með nýjum áherslum í náminu er einnig skoðað hvernig stjórnendur geta nýtt gervigreind sem tæki til að efla eigið starf, bæta ákvarðanatöku og auka áhrif í starfi
✨ 4. október 2026 - 31. janúar 2027 (jólafrí 13.12.26-10.01.27).
Lota 2
Stjórnun mannauðs
12 áfangar - 12 vikur
Fjallar um meginatriði mannauðsstjórnunar, bæði í skipulagseiningu (deild, sviði, útibúi) og skipulagsheild (fyrirtæki, stofnun).
Fjallar um starfsaðstöðu, velferð (s.s. öryggismál, heilsufar), fjarvistir og ýmis vandamál sem fyrirtæki og starfsmenn glíma við - ásamt lausnum.
✨ 7. febrúar 2027 - 16. maí 2027 (páskafrí 21.3.-4.4.27) - Sumarfrí 16. maí - 29. ágúst 2027.
Lota 3
Fyrirtækið – Skipulag
10 áfangar - 11 vikur
Fjallað um innra skipulag fyrirtækja sem stjórnandi/millistjórnandi þarf að hafa þekkingu á og hæfni til að takast á við hverju sinni, s.s stjórnkerfisskipulag og ákvarðanatöku á þeim vettvangi, stefnuvinnu og samkeppnishæfni, formlegt starfsmannahald, gæðakerfi, öryggismál á vinnustað og viðhald tækja, einkum með tilliti til öryggis og framleiðni.
✨ 29. ágúst 2027 - 14. nóvember 2027.
Lota 4
Fyrirtækið – Rekstur
9 áfangar - 10 vikur
Stjórnendur / millistjórnendur eru leiddir í gegnum þau atriði í rekstraráætlunum sem þeir þurfa að standa klárir á. Þetta lýtur að markmiðum, ferlum, framleiðnimælingum, hagræðingu og tölulegum rekstrarupplýsingum.
✨ 21. nóvember 2027 - 5. mars 2028 ( jólafrí 12.12.27-9.1.28).
Lota 5
Fyrirtækið í nútíð og framtíð
8 áfangar - 8 vikur
Sjónum beint að fyrirtækinu í nær- og fjærumhverfi sínu, eigendum, viðskiptavinum, keppinautum, birgjum, stofnunum og stjórnvöldum. Fjallað er um þessa þætti í ljósi stefnu skipulagseiningar, t.d. umhverfis- og samfélagsstefnu.
✨ 12. mars 2028 - 21. maí 2028 (páskafrí 9.4-23.4.2028).
Meira um námið
Hver áfangi í lotu eru kenndur í eina viku og þarf nemdandinn að reikna með 1,5 – 2.0 kls á dag til að klára hverja áfanga á viku. Námsefnið er miðlað í fjarkennslukerfinu Canvas og á Zoom fjarkennslukerfi. Þátttakendur í verk- og stjórnarnámi geta ráðið nokkru um námstíma sinn innan settra marka. Þeir hlusta á fyrirlestra, vinna skilgreind verkefni á vinnustað og skila kennara. Hvatt er til hópvinnu þátttakenda, einkum þeirra sem starfa í sömu eða skyldum greinum.
Kennarar eru valdir af kostgæfni, alls um 20 talsins og starfa allir í háskólum og virtum ráðgjafafyrirtækjum. Þeir hafa víðtæka þekkingu og reynslu í stjórnun í atvinnulífi ásamt reynslu í kennslu og ráðgjöf. Hægt er að fræðast um kennarana okkar inn á https://stjornendanam.is/kennarar/
Fyrsta lotan var fór í loftið 12. febrúar 2015
Lotur 1, 2, 3, 4 og 5 verða kenndar í tölulegri röð. Kennsludagskrá er að finna á síðu stjórnendanámsins